З 2013 года ў нашай установе рэалізуецца праект ☀️ "Юныя грамадзяне Светлага горада".
Стартуе праект 17 верасня, у 🇧🇾 Дзень народнага адзінства.
Заняткі з дзецьмі праходзяць у форме разнастайных квест-гульняў і геокешынгаў, віртуальных падарожжаў на прадпрыемствы і арганізацыі горада, экскурсій у мемарыяльны комплекс «Ала», гісторыка-краязнаўчы музей, на Алею герояў. Сумесна з бацькамі і педагогамі дзеці ўдзельнічаюць у челенджах, святах і акцыях "Дзякуй дзеду за Перамогу", "Аты-баты, ішлі салдаты", "Зарніца", "Маё любімае месца ў горадзе".
У Міжнародны дзень абароны дзяцей, 1 чэрвеня, мы прымаем нашых выхаванцаў у рады юных грамадзян Светлагорска. У гэты дзень юных светлагорцаў даюць наказы і віншуюць Ганаровыя грамадзяне Светлагорска. На свяце дзеці 📖 чытаюць вершы, 🎶 спяваюць песні, абяцаюць старанна вучыцца і рабіць добрыя справы. Даюць клятву быць дастойнымі грамадзянамі нашага горада.
Госці ўручаюць ім памятныя значкі і падарункі.
Праца ў гэтым праекце дае магчымасць сфарміраваць у дзяцей паважлівыя адносіны да працы дарослых, культурнай і гістарычнай спадчыны малой радзімы.
Бо, як вядома, вялікае пачынаецца з малога!
